سامحنى يا حضن ابويا

اه سامحنى يا حضن ابويا إنى غرقتك بدمى

لو بايدى كنت اصرخ كنت اجرى لحضن امى

بس ملحقتش يا ابويا كل شىء كان غصب عنى

الرصاص ما رحمش ضعفى او دموعى وصغر سنى

كنت سامع نبض قلبك لما نادى باعلى صوت

سيبوا ابنى يا ناس يعيش قالوا هما لا يموت

قالوا مس هيعيش خلاص دا اللى يرمينا بحجاره

نضربه احنا برصاص قطعوا قلبى الصغير

فرحوا لما شافوا دمى وانحنى ظهرك يا ابويا

وانفطر قلبك يا امى اوعى تبكى يوم عليا

او تقول ابنى مات لا يا ابويا امسح دموعك

وافتكرنى من سكات بس قول للناس يا ناس

ابنى فى فلسطين شهيد يلا مدوا ايديكوا يلا

حلمنا مبقاش بعيد